Bayes Theorem leh Covid Positive test

Bayes theorem hi mathematics a theorem pawimawh tak mai a ni a. Tun kan covid test atana kan apply chuan postive result nazawng a rintlak loh zia a lang chhuak a ni. A hnuaia kan formula hmuh ang khu a ni a. P(B/A) khi postive result neiin covid a veina a chance a ni a. P(A/B) khi covid veiin positive test a neihna chance a ni, hei hi 70% vel niin sawi a ni tlangpui. P(A) khi covid veina chance a ni a, chu chu tuna tan chuan India mipui zat chhuta a ram pum Active case awmzat tihna angah ngai ta ila. Tichuan P(B) khi covid test positive neihna chance a ni a, chu chu covid vei, positive result neite leh a veilo, false positive result neite an ni a. False positive rate hi hriat mai a har a, 3/31 angin kan chhut dawn a ni.

Hetianga a number kan han dahluh hian lo lang chhuak chu covid positive result nei zingah 0.5% chiah an positive tak tak tih a lo chhuak a ni. 4C leh Home Quarantine a symptom neilo positive naran ho hi chu an positive tak tak lo tihna a ni ber ang.

False positives chungchang False positive hi

an harsatna an thlen nasa niin a lang. Quarantine leh Covid Care Centrea admit an nih phei chuan a tul lova sum leh tha senna a ni. Chubakah mi hrisel reng, covid kailo kha covid kaina chance an neih phah a, false positive result vangin an nunna a derthawng tihna a ni. False positive hi test nawn chuan a positive nawn duhlo khawp a. covid vei lovin, vawi hnih positive result a neihna chance chu a hniam hle a. Chuvangin, positive test, asymptomatic reng reng chu test nawn theih ni se tih hi duhthusam a ni.

Tichuan i lo positive ta a? Covid positive result i nei a, covid symptom neilo i nih si chuan- lo lungngai lutuk lo la. False positive i nihna chance a sang hle a ni. Chutihrualin, fimkhur tur a ni a, positive tak tak i lo nih palh takin COVID darh zel tur theihtawpin veng ang che. Kar hnih chhung mahni in lama inkhungin, rilru hahdam taka lo awm hi mi fing leh fel awmdan tur a ni. Kar hnih chhung lo hahchawl la, a tawpah i negative leh ngei mai hmel a, a aia hrisel zawk leh fing zawkin i lo chhuak dawn nia.